Që prej mëngjesit të ditës së djeshme IKMT ka zhvilluar një aksion të paligjshëm në ‘Prestige Resort”.
Edhe ditën e sotme fadromat e IKMT ndodhen ende në zonë. Gazetari Osman Stafa ka raportuar nga vendi i ngjarjes, për zhvillimet më të fundit në ‘Resort’.
Aktualisht të pranishme janë policia, IKMT si edhe Forcat Xheniere.
“Jemi në ditën e dytë të cilësuar të paligjshëm të IKMT. Fadromat e IKMT qëndrojnë edhe sot në zonë, nuk kanë nisur ende punën, por në Golem janë parë forca të shumta të Policisë së Shtetit.
Godina ruhet nga forcat e policisë. Forcat xheniere bënë të gjitha shpimet në katin e parë, dhe kam mësuar se do të vijojnë me secilin kat dhe më pas do të bëhet shpërthimi i komanduar.Edhe ditën e djeshme edhe sot nuk ka as edhe një informacion se çfarë po ndodh apo edhe se çfarë do të ndodhë.”, tha gazetari Osman Stafa.
